好多人都話，想喺珠海關口接個朋友上車，跟住返大陸玩。今日就教大家喺邊度可以上落車而唔需要兜入去P1。

首先望吓口岸天地既方向。最左手邊有條樓梯。

上層 (出境層) 同下層 (入境層) 都會見到同一條樓梯。沿住條樓梯落到最底，就係大家平時過咗關，＂指紋面相比對通過，邊檢放行＂(耳邊有冇聲？)。然後等屋企人落黎既接客月台。

所以，你可以喺呢度叫你屋企人，沿樓梯行上去口岸天地行街食野，你慢慢兜番去P1泊車。或者調番轉，你叫你既澳門朋友 / 珠海朋友喺呢度落黎上你部車。然後直出中山廣州就快好多喇。