想睇片唔睇字既可以睇以下YouTube：

跟住同大家講吓基本既申請資格：

1. 首先，一定要私家車，貨VAN無得玩
2. 一定要係私人名登記，用公司名無份玩
3. 車主一定要有回鄉證
4. 車主不一定要有國內車牌，甚至可以無香港車牌  (註：車主未必要有國內車牌，但係司機必需要有)

跟住講吓你部車既要求：

1. 一定要8座位或以下 (計埋司機)
2. 如果你部車出廠計6年以上，一定要有驗車紙先可以申請。驗車紙即係平時你續牌費時去驗車嗰張驗車合格證。如果你唔見咗可以比錢補領副本。
3. 雖然6年以下既車唔需要驗車紙就可以申請。但係當你申請獲批之後，大陸政府係會要求你去香港指定驗車中心驗車同安裝通關咭RFID，所以其實即係所有車都必須經過大陸驗車呢一關。

最後講吓所需費用：

1. 香港運輸署發出既「封閉道路通行證」(即係禁區紙)，$540一年 (如果你已經申請咗ZMA，即係《港珠澳大橋澳門口岸泊車轉乘》的話就可以共用番，但係一樣要申請港車北上。)
2. 上面講咗，當批咗之後，大陸政府會叫你去驗車，驗車費用$800。而同時佢會幫你裝埋通關咭RFID。
3. 買「等效先認」保險，或直接向大陸保險公司購買，或可以聯絡三擇車保資訊平臺了解更多。

申請流程簡單講：

1. 上網登記抽籤 (網址)
2. 抽中後，上網申請 (請跟電郵指示做)
3. 申請成功後，按指示去驗車 (上 中檢驗車預約系統 預約 或 香港中旅預約網址 預約)，及安裝通關咭RFID。
3.1 同時間申請「等效先認」保險 (約三千蚊港紙)，等效先認保險請直接聯絡番你本身既車保公司。泊邊好有保險轉介服務，可以睇呢度。
4. 同ZMA一樣，買完保險，要上載做備案，不過網址唔同咗，要去「港車北上管理服務系統」度上載
5. 等批，批咗之後，內地政府會向申請人發出「臨時牌」。運輸署會簽發並郵寄相關的「封閉道路通行許可證」予申請人。
6. 仲未去得住，因為要預約出行 (預約網址)。先透過「港車北上」指定網站在「指定日子預約系統」預約指定日子方可出行經港珠澳大橋香港口岸前往廣東省。(目前公佈既係6月中可以預約7月出發既日子，7月中可以預約8月出發既日子)

唔想煩既話，仲可以聯絡我地，我地有代辦服務提供。詳情請睇》》
https://www.parkbin.hk/zh/product/hzmbhelp

如果大家對以上內容有唔明白的話，歡迎上Whatsapp泊邊好《港車北上專線》52737573。或者去我地Facebook / IG查詢。

Facebook：https://www.facebook.com/parkbin.hk
IG: https://www.instagram.com/parkbin.hk/