高先電影院都開咗幾個月，但係原來好多人都仲未知間戲院喺邊，亦唔熟嗰頭邊度有得泊車。咁泊邊好當然要幫吓你啦，不過你要有心理準備，堅尼地城多地獄場喎。 首先講咗地址先，高先電影院位置係堅尼地城吉席街2號。簡單講就係吉席街同北街嘅街口。電話係+852 2151 1226。 1. 美暉大廈停車場（按我導航）美暉大廈停車場算正正常常，位置算近又唔太貴。時租$18 / $20，星期一至五仲有日泊。呢度好多年都無加過價喇。《收費詳情》 2. 海怡花園停車場（按我導航）其實心水清嘅朋友就會知道吉席街2號咪就係海怡花園囉，而海怡花園自己都有停車場，做乜唔介紹咗先？因為海怡花園停車場收費較貴，$23一小時，另外就係佢嘅地獄指數達4粒星。上落車道超窄，仲要勁多柱，入到去好似去咗竹林深處咁，車位又窄，聞說有啲位你睇到但係唔會泊到，有啲位泊到落唔到車。你想挑戰吓嘅可以一戰，如果無興趣挑戰嘅請睇泊邊好YouTube Channel嘅 地獄遊記 - 海怡花園。《收費詳情》 3. 堅尼地城停車場（按我導航）亦即係有啲人叫佢做〝士美菲路市政大廈停車場〞。呢度係全堅尼地城最多位最正常嘅場仲要係政府場添，所以都幾經常爆滿，時租收費$13，相當抵泊。但係可能地區問題啦，加上政府場都係少許窄架喇，不過勝在夠光猛同啲位睇到就一定泊到咁滯，所以都非常值得大家一試，可惜去睇戲就遠咗少少，當行街啦。《收費詳情》 其餘熱門泊邊好文章：大嶼山自駕遊泊車泊邊好?D2 Place滿晒附近泊車泊邊好？港外線碼頭搭船去離島玩泊車泊邊好？全港Donki尋寶地圖海洋公園泊車泊邊好The Wave / 觀塘工業區 泊車泊邊好？

將軍澳藍田隧道，連同將軍澳跨灣大橋終於通車喇，不過呢條隧道既出入口陷阱處處，所以泊邊好已經為拍攝咗一集特輯，教你點揀行車線同要點。 https://youtu.be/hwF7mAxcK4A 另外，如果你係想上將軍澳跨灣大橋踩單單、跑步同打卡嘅話，究竟泊車泊邊好？邊度最近？邊度最平？咁就要睇以下呢篇文章。 1. 格林威治村 / 藍塘傲（按我導航） 最近既兩個停車場就係呢個藍塘傲同埋佢旁邊既Capri Place，不過藍塘傲呢個有日泊同24泊，啱晒你喺呢區玩一日。加上暫時未有咁多人知，個個走晒去泊donki，所以呢度大把位。而佢既免費泊車優惠亦非常易攞，請參閱https://www.parkbin.hk/新界/將軍澳/格林威治村。 2. Capri Place（按我導航） Capri Place係3個澳南海岸之1。所以佢既好處係有跨商場免費泊車優惠。即係你去Donki買野，用嗰張單都可以過黎Capri Place度換領免費泊車優惠。所以都好抵玩。詳情請參閱https://www.parkbin.hk/新界/將軍澳/monterey-place。 3. 翠善街爛地停車場 / Ocean PopWalk等翠善街爛地停車場係出名平，仲有日泊。所以都係可以考慮之內。至於Ocean PopWalk海天晉匯，佢依家連單車都有得租，仲要係日系文青懷舊單車。仲要你租單車兼食飯的話，仲可以有3小時免費泊車優惠攞。詳情請參閱Ocean Popwalk 聯乘日系文青單車 Tokyobike週末期間限定店。 #區區泊邊好

大圍（本文泛指大圍港鐵站附近既積福積輝街一帶）一向想泊車真係好艱難。一係就泊街或者搏嗰少量嘅錶位，如果唔係就要泊出名地獄嘅富嘉花園。所以今集區區泊邊好，我地就為大家介紹吓大圍仲有咩好停車場可以泊。而最特別嘅係，我地今集請咗喺YouTube發佈4K POV行車片好出名嘅HK Driver Mike黎同我地一齊挑戰富嘉地獄，當然唔少得大圍區嘅飲食情報介紹啦。有興趣嘅朋友可以睇以下既片段，齋想睇停車場嘅朋友請繼續睇落去。 https://www.youtube.com/watch?v=bw0De9MsO6w 圍方停車場（按我導航）全新既圍方停車場，完美解決咗大圍泊車既難題，仲有18個中速充電位，可能唯一缺點係時租較為貴。免費泊車優惠請參閱：圍方 - Parkbin 泊邊好 海福花園停車場（按我導航）沿住港鐵站天橋行就可以黎到海福花園停車場。唯一缺點係時租只可以泊露天位，同埋過番大圍要經天橋，不過依家天橋都有電梯，應該唔算缺點啦？而最重要係咩呀？佢仲平過地獄場，咁唔駛諗啦。價錢詳情請參閱泊好先。 富嘉花園停車場（按我導航）人生難免會泊幾次地獄停車場既。咁富嘉花園點解被稱為地獄呢，首先上落通道窄，其次係車位勁窄，泊完都開唔到門，而最衰既係佢無電梯，你泊幾高就要行番幾多層樓梯。不過，如果你有睇上面條片的話，我地版油係咁衝都無問題，事實上無大家想象中咁窄，學阿Mike話齋，沙田區大把場窄過佢。至於車位窄，只要你泊高多幾層，同埋搵啲柱邊位泊，咁都OK開到門。佢係有啲位有水喉突出黎嗰排位窄啲，其餘啲位都算正常既。咁當然，最近大圍港鐵站，價錢一定係最貴架喇。價錢詳情請參閱泊好先。 #區區泊邊好 #沙田

呢幾年，文青呢個字真係用到濫。咁文創又如何？幾年前，一個人睇中咗炮台山嘅一個死場 - 富利來商場，想將佢起死回生。一年多過去，究竟依家富利來商場變成點？ 唔好嚇親，話明係前死場，裝修當然停留喺80年代。但係咁樣反而好，唔使專登扮懷舊。 有鬼怪呀，有冇妖怪手錶架？ 話明係文創，文青手作創作野當然唔少得。但係得咁少相睇咋？等睇YouTube版本啦。 之後可以順手去埋附近嘅油街藝術村《油街實現》chill吓，呢期仲有《宇宙數據接收中》同《幻影島》油街在地駐場藝術家展覽睇添。 AIA Tower友邦廣場停車場 （按我導航）呢度有一個停車場最近又好泊，就係AIA Tower友邦廣場停車場。呢度有時租亦有日泊。而最方便嘅係佢有免費中速充電器3個，揸電動車嘅朋友就啱晒。另外，呢個停車場真係要介紹吓，佢翻新嘅時候，加入咗以人為本嘅設計，希望停車場都可以帶到環保綠化嘅信息，跳出車位只係有四條線嘅概念。所以泊車嘅時候不妨參觀吓。 問：富利來商場位置在哪裏？答：富利來商場位於炮台山京華道9-27號。 問：富利來商場 / 油街實現泊車泊邊好？答：最近最好泊當然係AIA Tower友邦廣場停車場啦，詳情請參閱富利來商場泊車泊邊好？。 #區區泊邊好