凡係有活動既日子，啟德體育園自己既停車場就會暫停開放，咁揸車既朋友究竟去睇show泊邊好？今集就為大家介紹幾個心水選擇。當中有一個仲要幾冷門吓。

Parkbin 泊邊好 | 啟德 Airside 停車場

Parkbin 泊邊好 | 雙子匯1座停車場

喺啟德區黎講，Airside同雙子匯應該都好出名。只係怕佢太過出名，所以太塞車同太多人泊。如果你熟路既，其實仲有個雙子匯2座，呢個少啲人知，撳入泊邊好地圖就會搵到。

Parkbin 泊邊好 | 宏天廣場停車場 Skyline Tower

唔介意行遠少少既話，宏天廣場都係一個唔錯既選擇，上次Coldplay演唱會期間，宏天廣場仲做咗個快閃優惠，下午5點後時租只需$16。呢個場另一個優點係Tesla車主福音，因為全場都有Tesla Wall Connector，睇完show返黎就充滿電，一流。另外，由於佢遠黎啟德區，可以由九龍灣走，一出就上龍翔道或者入番機場隧道，進可攻退可守，唯一缺點就係要行。

Parkbin 泊邊好 | 真善美村停車場 Chun Seen Mei Chuen

介紹個冷門少少既場比大家，真善美村。車位唔算多，勝咗夠平同冷門，未必個個醒起呢度有得泊。但係睇睇大家，真善美村下面有個停車場明明近啲，但係我打左交叉。嗰度叫22居，私人單棟樓黎，個停車場入要車𨋢，逐部逐部等𨋢都幾過引，仲未計你前面部車係咪真係識入𨋢先，所以唔介紹比大家。

常見問題：

Q1: 啟德體育園搞活動時，自己個停車場會開放嗎？
A1: 唔會！凡係有大型活動，啟德體育園停車場通常暫停開放，建議預早搵定周邊車位。

Q2: 啟德體育園附近有冇又平又少人泊嘅停車場？
A2: 有！真善美村停車場夠冷門兼平價，但車位有限；另可考慮宏天廣場（下午5點後時租$16），Tesla車主仲可以順便充電。

Q3: 雙子匯停車場係咪好塞車？有冇其他選擇？
A3: 雙子匯1座出名多人泊，建議熟路嘅車主去少人知嘅雙子匯2座，撳入「泊邊好地圖」即睇位置。

Q4: 邊個停車場方便睇完Show快速離開啟德？
A4: 宏天廣場停車場優勢在於可經九龍灣上龍翔道或機場隧道，避開啟德散場車流，但需步行約10-15分鐘。

Q5: 點樣一次過睇晒啟德體育園周邊實時車位？
A5: 即撳「泊邊好」地圖搜索功能（連結），即時比較價錢同剩餘車位！