港珠澳大橋珠海口岸新上客區 | 司機過關接乘客 | 乘客步行上車 全教學
2025-09-30
為咗解決長期以黎，港珠澳大橋珠海口岸塞車等親友過關既情況，喺2025年國慶前兩晚，終於開通全新既上客區，地方大好多，但係以後停好車之後要通知你屋企人去邊個月台度上車，唔明白？睇落去啦。
司機通關篇：
呢度係以前你停車等親友既地方，依家改咗做閘口，即係以前喺出面露天大家塞住排嗰個閘。
所以同之前一樣，都係有兩隻閘，第一隻係等，第二隻係叫你 "請通行" 或者 "請前往查驗場"。
出咗閘之後，轉左，好大個條柱寫明 "隨車人員上客區"。
一入到去呢度係G區，向前行到盡轉右調頭就係H區。你可以見到新上客區係好似巴士站咁，一個個位咁比你等親友。
呢度向右轉調頭去H區。
暫時開多人用既就係H區，因為你睇到張相既右邊就係乘客行落黎既地方。
乘客上車篇：
以前乘客就會經過呢度落樓梯去上番車。依家調番轉，經呢條樓梯上樓上。
樓梯一出就係口岸天地商場，以前我地教過大家上黎借廁所架喇。
地面，同路口都有大大個 "隨車人員上落區" 既牌，跟住行就唔會錯。
見到呢個牌，落樓下就可以見到你屋企人部車喇。
我地仲為大家拍攝咗條教學片，可以睇睇下面：
