香港人鍾意北上消費，去上水泊車再轉東鐵去深圳就係最熱門既選擇。今集分開兩個部份，先教吓想泊車轉乘東鐵去深圳既朋友有咩停車場好選擇。另一部份就係真係去上水既朋友，逢星期六日各大停車場都比過關既人泊滿晒，咁我去上水行街探朋友可以泊邊好？一齊黎睇啦！！

上水泊車轉乘東鐵去深圳泊邊好？

1. 寶石湖邨公眾停車場 Po Shek Wu Estate Public Car Park (上水站泊車轉乘 Sheung Shui Station Park & Ride)

呢個場就應該好多人都知，因為佢係港鐵泊車轉乘既指定停車場，所以用同一張八達通泊車入閘再轉港鐵的話就會有優惠。亦都因為咁，所以呢個場星期一至日都長滿。特別係星期六日，如果你好想泊的話，朝早9點前要黎到，否則唔使等，因為啲人唔會走，個個都北上。

2. 彩園A停車場、彩園B停車場、彩園C停車場

彩園都係一個熱門既場，佢仲要有3個停車場添。不過小心，唔係個個都有日泊：
彩園A停車場 得24泊，無12泊，所以想過夜就啱晒，即日來回就會蝕咗。另外佢有17個Cornerstone中充，適合電動車既朋友，不過有位先講啦。
彩園B停車場 有齊12泊同24泊，所以你係過夜定即日來回都啱晒，唯一留意限高1.7米，七人車未必入到。
彩園C停車場 沒有12泊，沒有24泊。但係佢有EV泊，所以呢個場基本上黎呃免費泊車黎充電既，呢度有暫時仲係免費既中電快充，同4個PIT快充加39個PIT中充，呢個場適合大家黎充電，或者黎上水泊車。因為大部份人呃完充電就走，流轉快好多。

3. 嘉富坊公眾停車場 Ka Fu Fong Public Car Park

上水廣場停車場 Landmark North 同 上水新都廣場停車場 Metropolis Plaza 我諗大家都熟，所以如果你見到佢有位就入去啦，兩個都有日泊。我直接介紹大家泊一個無乜人知既人場，就係嘉富坊公眾停車場，我地泊邊好網站可以睇到佢實時車位，呢個場有超過300個車位，仲近乎全場都有中充充電機，啱晒揸電車既朋友。唯一缺點就係行遠幾步，由嘉富坊行出去上水站大約要10分鐘步程，但係你睇完佢個價錢應該要順番條氣。時租只需{{嘉富坊公眾停車場 Ka Fu Fong Public Car Park價錢}}，仲有日泊，大家不妨留意吓。

**提提大家，泊邊好網站係有實時停車場資訊，唔使下下去到上水先知有冇位。你只需撳呢度就會睇到上水站附近既停車場價錢同實時車位
》》》Parkbin 泊邊好 | 地圖搜索 (上水站)

上水行街探朋友泊邊好？

1. 上水匯停車場 Sheung Shui Spot
上水匯停車場入口喺新樂街，由於要入車𨋢，仲要上車架，所以一直都好少人去泊。所以如果上水附近都滿晒，就去呢度碰吓運氣。

2. 上水新成路露天停車場
行多幾步，就會去到上水新成路爛地場，雖然唔太大，但係都叫有個位泊吓車。

常見問題：

Q1: 上水轉乘東鐵去深圳，邊個停車場最方便又有優惠？
A1: 首推「寶石湖邨公眾停車場」，屬港鐵指定泊車轉乘場，用同一張八達通泊車轉乘東鐵可享優惠。不過週末極滿，建議早上9點前抵達！

Q2: 週末上水停車場爆滿，有無冷門平價位推薦？
A2: 可試「嘉富坊公眾停車場」，時租低至{{嘉富坊公眾停車場 Ka Fu Fong Public Car Park價錢}}，300+車位 + 中充充電，步行10分鐘到上水站，CP值超高！

Q3: 電動車北上，邊個停車場有快充+日泊？
A3: 彩園C停車場有免費中電快充及PIT充電位，流轉快；彩園A則提供24泊位，適合過夜充電需求。

Q4: 上水行街探朋友，附近有無少人知的停車場？
A4: 隱藏選擇「上水匯停車場」，入口在新樂街，需搭車𨋢上車架，因此較少人泊，週末可碰運氣！

Q5: 如何即時查看上水停車場空位？
A5: 用「泊邊好」網站，即時顯示上水站周邊停車場價錢及車位，免白行一趟！