為咗要等封路通告既公佈,我地都知遲咗先出文架喇,大家快啲share比你朋友睇呢篇"工展會泊車泊邊好"啦。
日期:2021年12月11日至2022年1月3日(展期為24天)
時間:上午11時至晚上9時
入場費:港幣$8
時租 | 日泊 | |
柏寧酒店 | $38 (星期一至四) $45 (星期五至日) | $185 (入車至同日23:59) 只適用於星期一至四 |
怡和街68號地庫 | $33 (星期一至四) $35 (星期五至日) | N/A |
WTC more 世貿中心 | $40 (星期一至四) $48 (星期五至日) | $180 (08:00-17:59) 只適用於星期一至四 |
天后栢景臺 | $21 | $105 (07:00-18:59) |
維景花園 | $16 /半小時 | N/A |
縉景臺 | $28 | $145 (08:00-19:59) |
電氣道148號 | $27 | N/A |
AIA友邦廣場 | $30 | $180 (08:00-18:59) |
1. 柏寧酒店(按我導航)
兩星地獄場!!車位窄,某啲通道會比較窄。
註:星期六日有可能因封路而暫停開放。
柏寧酒店停車場車位特多,如果你係WIL Apps會員,仲可以用3000積分換一小時免費泊車。地點就腳。
2. 怡和街68號地庫(按我導航)
考慮到柏寧酒店除時會封路,所以泊伊榮街呢邊係一個安全嘅選擇。價錢又唔算貴。
3. WTC more 世貿中心(按我導航)
世貿中心停車場終於重開,不過記住,暫時不設免費泊車優惠,以及不可以用The Point積分換泊車。價錢就貴啲,不過位置都算唔錯。
4. 天后栢景臺 (按我導航)
講明先,呢個場,每次維園有活動,佢都全爆到七彩。不過佢價錢最平,仲有日泊,距離又最近。所以寫住先,你去到有位就有位。無就繼續睇下面幾個場。
5. 維景花園 (按我導航)
四星地獄場!!地庫出入通道勁窄,車位極少。
如果天后栢景臺無位可以過黎望吓,有就有無就無,呢度好少位。加上要落地庫。你望吓啲樓就諗到地庫有幾窄。
6. 縉景臺 (按我導航)
呢個場可以同下面個電氣道148號一齊講,反正價錢只係差少少,呢度仲有日泊添,可以過黎睇吓有冇位先。無既再去下一個街口蜆殼街入去電氣道148號停車場試試。呢兩個場算係可以步行既距離。如果你把心一橫諗住泊車轉地鐵的話,直接睇下面既AIA友邦廣場。
7. 電氣道148號 (按我導航)
雖然佢叫電氣道148號停車場,但係入口喺蜆殼街 (即電車路入),呢個係信和場,所以信和會員泊車有九折。唔算多位,多個選擇咁解。
8. AIA Tower 友邦廣場 (按我導航)
上面講咗,如果你一心諗住泊車轉地鐵既,就可以考慮泊友邦廣場。呢度行去炮台山地鐵站唔駛3分鐘。有時租又有日泊。車位又闊落。