平時去山頂行下玩下，都習慣左直接揸車上山頂，然後泊山頂廣場，完全享受揸車既便利。 不過，你又有幾耐無搭過纜車上山頂？而家可以趁住唔駛同遊客爭，再次感受坐山頂纜車45度角上山既感覺。 金鐘山頂纜車站附近只有數個2小時錶位，如果等得耐山頂纜車或者打算喺山頂坐底食野，一般兩小時並唔足夠。唔想冒$320牛肉乾風險，可以考慮泊喺以下推介停車場。 1. 花園道三號停車場 (按我導航)首選係花園道三號停車場，係位置最近金鐘山頂纜車站既停車場，要注意係佢平日包括星期六時租$29，但係星期日及公眾假期只收$16，詳細價錢請參閱泊好先。所以如果你打算坐山頂纜車兼想泊喺花園道三號停車場的話，就記得星期日先去。 2. 長江集團中心停車場 (按我導航)長江集團中心停車場理論上遠過花園道三號停車場，不過距離大概只係2分鐘路程。如果你好鍾意享受免費泊車優惠，又或者安排唔到星期日去的話，咁就必須要考慮泊喺長江集團中心停車場。星期六、日及公眾假期，喺長江集團中心裡面既CKC消費購物滿$300可享3小時免費泊車優惠，滿$600更可享6小時免費泊車優惠，加上CKC裡面有間food le parc超級市場（簡單黎講係Fusion）消費$300拎3小時免費泊車優惠抵到爛，就算需要額外泊車錢，都只係每小時$30。停車場資料請參閱泊好先。 如果你係一個精明既消費者，可以吼到每月8，18，28去長江集團中心停車場泊車兼喺food le parc消費購物，憑Moneyback易賞錢消費滿$300更可享82折優惠！ 當然，最後都有一種玩法，就係司機以外既同行親友坐單程纜車上山頂，然後喺山頂匯合。不過記得出發前記得用googlemap check下前往山頂廣場條山路係咪血紅色，塞爆左既話就唔駛諗泊山頂廣場了。 山頂纜車訂票及價錢：山頂纜車摩天套票 | THE PEAK HONG KONG #區區泊邊好

Don Don Donki黃埔花園店，喺2022年8月17日開幕喇。本身黃埔花園嘅停車場已經夠爆架喇，睇黎以後去黃埔真係要泊到去海濱廣場先掂。 時租泊車優惠黃埔天地各期$16 / $20$200免3海濱廣場$30 / $16$200免3(只適用於星期六日)仁孚停車場大廈$22N/A 1. 黃埔天地各期  (按我導航)咁多期黎講，黃埔廣場(黃食坊)就算好泊，又有充電位，位置又正中。黃埔號就出名窄同暗，又經常要排隊。比較多位既係時尚坊，或者最遠既第10期尖子坊。 2. 海濱廣場  (按我導航)海濱廣場即係九龍海逸君綽酒店旁邊既兩座商業大廈。由於星期六日無人返工既關係，所以逢星期六日及假期，呢度既時租收費仲平過黃埔天地，同埋亦都可以享有黃埔天地既免費泊車優惠。呢度真係無乜人泊，所以大把位，車位都算闊，不過就行遠啲。 3. 仁孚停車場  (按我導航)比多個後備選擇大家，我去紅磡好鍾意泊呢個場，貪佢夠多層實有位。不過車位就偏窄。泊呢度去《奇趣天地》就最近。 #Donki #區區泊邊好 #黃埔天地

https://youtu.be/oktnbXSDVkU 自從京瑞廣場開幕之後，石門越黎越熱鬧，特別係抄牌，閒日又抄假期就更加抄得密。所以泊邊好為大家搵咗5個喺京瑞廣場附近嘅停車場畀大家參考，要平既有平，要易泊既有易泊，要充電嘅仲有中電中速叉電站介紹埋畀你。睇上面條片或者下面逐個停車場睇啦： 時租日泊碩門邨$18N/A安麗街爛地$18$100(08:00-17:59)新界鄉議局大樓$25$120(08:00-17:59)沙田萬怡酒店$25N/A滙貿中心 $30N/A 碩門邨停車場（按我導航）碩門邨係首選嘅停車場，因為佢時租平$18，又近京瑞廣場。行番出邨口過條馬路就到。唯一要記住時租入口係喺安耀街迴旋處嗰邊入，一條路行埋尾見到下面街景既閘就係。入面有室內有露天，室內有房署嘅慢速叉電位。價錢詳情請參閱泊好先。 安麗街大涌橋路(露天)停車場（按我導航）爛地場就一定平啦，$18一小時仲有日夜泊。不過佢最低消費係兩小時，另一個缺點係落雨時個爛地場會變泥地場，上車時成腳泥水上車，平係有少少代價架喇。價錢詳情請參閱泊好先。 新界鄉議局大樓停車場（按我導航）唔介意畀多少少錢，可以考慮泊上面爛地場斜對面嘅鄉議局大樓。時租$25；仲有中電中速充電位。價錢詳情請參閱泊好先。註：只收現金。 沙田萬怡酒店停車場（按我導航）如果鄉議局大樓無晒位的話，轉個彎泊沙田萬怡酒店啦。同樣係$25一小時，酒店式管理，抵泊喇掛？價錢詳情請參閱泊好先。 滙貿中心停車場（按我導航）最後介紹埋呢個場比大家，唔好覺得$30一個鐘好貴，京瑞廣場係$35呀。呢個場嘅好處係逢星期六日同假期佢嘅時租位就係地下嗰幾個貨車位，真係打橫打直任你泊都唔會撞，唔介意比錢又唔識泊車嘅新手，泊呢度行過斜對面就係京瑞，所以都係一個唔錯嘅選擇。價錢詳情請參閱泊好先。 #泊邊好文章 #搵食自駕遊 #親子自駕遊 #遊樂自駕遊 #沙田 其餘熱門泊邊好文章：東涌泊車泊邊好？D2 Place滿晒附近泊車泊邊好？港外線碼頭搭船去離島玩泊車泊邊好？全港Donki尋寶地圖海洋公園泊車泊邊好The Wave / 觀塘工業區 泊車泊邊好？

全香港首個Drive In演唱會，但係幾分鐘就無晒車位門票。咁想揸車去坐低睇既朋友去中環海濱活動中心泊車泊邊好？ 1. 天星碼頭停車場（按我導航）暫時睇floor plan，估計個入口會喺龍和道。(Drive In既入口喺耀星街)所以泊大會堂停車場應該係最近，不過由於行車方向既關係，梗係黎天星碼頭停車場睇咗有冇位先，無位先再去大會堂停車場啦。時租價錢與大會堂停車場一樣。 2. 大會堂停車場（按我導航）如果天星停車場無位，就過黎大會堂停車場啦。其實大會堂停車場仲近。呢兩個場嘅優點係夜晚7點後時租勁平，只需$17一個鐘（請參閱泊好先)。 3.  IFC2期（按我導航）唔介意比多少少錢，但係想一定有位既，當然係直接泊入IFC啦，時租$28（請參閱泊好先)，另外有免費泊車優惠，啱晒行街食飯再去睇暴龍哥既朋友。 鄭中基"Drive In Ultra - WEE are Ronald Cheng"自駕演唱會 2021時間： 2021 年 4 月 24 及 25 日(星期六及日) 7:30pm地點：中環海濱活動空間...