屯門青山灣海濱長廊位於屯門三聖邨，屯門避風塘與青山灣泳灘之間嘅防波堤上面。總面積約八千多平方米，總長度為八百多米。喺呢度你可以喺長廊上漫步、踩單車、放狗等等，黃昏既時候仲可以睇到夕餘暉，吹住海風，係唔錯架。行到攰，旁邊就係三聖海鮮市場。可以買啲手信 (海鮮) 返屋企煮，甚至即場食都得。唔講你唔知，喺三聖邨呢個咁細嘅地方竟然有五個停車場咁多，所以唔怕無位泊。 由於五個停車場嘅價錢只係兩蚊左右上落，所以我哋由近至遠咁講。 1. 屯門三聖街露天停車場（按我導航）三聖街停車場就喺長廊嘅入口旁邊，講位置佢就最近架喇。同埋留意番，呢條三聖街你會見到兩個分開嘅爛地停車場的，不過都係一間黎，所以價錢一樣。你見第一檔無位就去下一檔就OK。價錢詳情請參閱泊好先。 2. 三聖商場停車場（按我導航）如果你唔想泊爛地要曬住部車的話，就揀三聖商場停車場啦，閒日個價錢嘅差距會大啲，但係星期六日爛地同三聖商場只係相差一蚊。咁就直入商場算啦，車位又多。價錢詳情請參閱泊好先。 3. 屯門三聖街6號露天停車場 (青山灣泳灘)（按我導航）同樣係爛地場，同埋係三聖街。不過呢個場其實係俾青山灣泳灘嘅市民用居多嘅，不過由於行車方向嘅關係，佢係一入三聖街第一個場，價錢同上面講既三聖街爛地係一樣，所以你都可以睇吓呢度有冇位先再去下一個。要小心嘅就係呢個場嘅入口好唔起眼，你要望實左手邊唔好錯過。價錢詳情請參閱泊好先。 4. 恒福商場停車場（按我導航）恒福商場停車場就真係最遠喇，因為佢喺三聖輕鐵站巴士總站旁邊。不過價錢係最平，閒日時租只需$11，仲平過爛地。提提你，唔好上平台呀，時租喺地下，一上平台就$40一個鐘架喇。價錢詳情請參閱泊好先。 #屯門 #區區泊邊好

2021年6月23日位於大埔既龍尾泳灘就會開放畀公眾使用，大埔龍尾泳灘長約二百米，設施包括更衣室、淋浴設備和洗手間。泳灘的救生服務時間為四月至十月每日上午九時至下午六時；在六月至八月游泳旺季期間，星期六、日及公眾假期的救生服務時間則會延長至上午八時至下午七時。市民切勿在沒有救生服務的時段游泳，以免發生意外。 龍尾泳灘其實即係喺大美督巴士總站旁邊。為咗配合呢個沙灘嘅啟用，早前已經開放埋龍尾露天停車場，不過因為泳灘嘅啟用，所以已經加咗價，相入面嘅價錢不作準，價錢詳情請參閱泊好先。 龍尾露天停車場（按我導航）設有70個時租位，無論係去龍尾泳灘定係去大美督嘅你，有咗呢個停車場之後，就唔駛再等錶位喇。而龍尾露天停車場有另一個好處，就係佢去食嘢近好多。泊完車，過條馬路就到餐廳，其實仲方便。而最特別嘅地方，係呢個露天停車場係有八達通入閘機，唔好當佢係一般爛地場呀。 #大埔 #其他泊邊好文章

來香港拜拜，怎麼能不找大名鼎鼎的黃大仙呢？聽說大仙「有求必應」，籤文靈驗，所以終年香火鼎盛，前來求籤問卜的善信和旅客絡繹不絕。如果有興趣，還可以求支籤請大仙指點迷津。 供奉黃大仙的嗇色園黃大仙祠是香港數一數二的著名廟宇。這裡崇奉儒、釋、道三教，除了黃大仙，還同時供奉觀音菩薩、孔子等，三教融合是一大特色。拜拜之餘，不妨遊覽古色古香的建築與庭園，看看特別的「五形」建築佈局，祠中的飛鸞台、經堂、玉液池、盂香亭及照壁，分別代表了「金、木、水、火、土」五行。 每年除夕夜，這裡可熱鬧了。眾多善信會在黃大仙祠外排隊爭相「搶頭香」，希望求得一年好運氣，年年盛況空前，是香港別具特色的賀歲習俗。 嗇色園黃大仙祠泊車泊邊好？ 1. 黃大仙公共運輸總站停車場（按我導航）大型露天停車場，車位都算多，價錢又平，仲有日泊同夜泊。所以夜晚黎泊車搶頭柱香都無問題。價錢詳情請參閱泊好先。 2. 黃大仙中心北館停車場（按我導航）距離黎講，同上面介紹嘅露天停車場差唔多。可以叫做一左一右咁包圍黃大仙祠。唯一問題係車位唔太多，平時都好多人黎泊車行商場，所以撞正好日就難上加難。價錢就一定貴過露天架喇，不過以領展商場計叫正常價，廿蚊多啲咁。當然有免費泊車優惠同24小時泊等等。價錢詳情請參閱泊好先。 ＃黃大仙 ＃其他泊邊好文章 #廟宇 註：相片取自網絡

香港動植物公園是本港歷史最悠久的公園，1860年動工興建，1864年局部開放，1871年全面落成並開放予公眾參觀。同年，福特先生獲委任為公園首位園林監督。公園早期以蒐集和研究本地植物為主，故名植物公園。自1876年起，公園陸續飼養雀鳥及哺乳類動物，後於1975年正式易名為「香港動植物公園」。園址於1841至1842年為督憲府所在地，而總督兼任駐港三軍總司令，人稱「兵頭」，故公園又俗稱「兵頭花園」。 公園佔地5.6公頃，坐落花園道、羅便臣道、己連拿利和上亞厘畢道之間，雅賓利道貫穿其中，使公園分為東、西部分，兩者由一條行人隧道連接。公園東面部分稱為「舊公園」，設有兒童遊樂場、鳥舍、溫室及噴水池平台花園；西面部分稱為「新公園」，主要是哺乳類和爬蟲類動物的居所。 除了欣賞動植物外，遊人也可於園中的古蹟徑漫步，參觀五個別具歷史意義的景點，即石柱、紀念牌坊、英皇佐治六世銅像、涼亭及噴水池，細味公園的故事。 開放時間： 噴水池平台花園上午5時至下午10時溫室 / 教育及展覽中心上午9時至下午4時30分其他上午6時至下午7時 香港動植物公園泊車泊邊好？有兩個停車場好近香港動植物公園，但係其實係喺同一條街黎。 1. 科達中心停車場（按我導航）由於兩個停車場都喺同一條街，所以我哋由最平開始講起，泊科達中心，之後沿花園道天橋底穿過去就可以到達香港動植物公園，非常近。時租$17 / $20，仲有日泊，價錢請參閱泊好先。 2. 香港基督教女青年會總部(女青園景軒)停車場（按我導航）喺正上面所介紹嘅科達中心旁邊，但係時租$28，仲要無日泊。價錢請參閱泊好先。 #各區公園泊邊好