本文嘅將軍澳係指港鐵將軍澳站 (即PopCorn) 一帶嘅泊車好介紹。雖然呢度一條街幾個商場幾個停車場。但係好多都成日無位,同埋個個商場嘅泊車優惠都唔同。所以本文會一次過同你比較晒唔同停車場嘅泊車優惠,仲教你點樣用幾蚊就可以泊2個鐘。
時租 | 免費泊車優惠 最低消費金額 | 日泊 / 夜泊 | |
將軍澳廣場 TKO Plaza | $17 (閒日) $20 (六日) | $200/1小時 $400/2小時 | $75 (20:00-07:59) $140 (08:00-07:59) |
君傲灣 (PopCorn 2) | $20 | N/A | N/A |
PopCorn | $20 | $100/1小時 (閒日) $200/1小時 (六日) | N/A |
PopWalk2, 3 Ocean PopWalk | $15 | 任何消費/1小時 $100/2小時 | N/A |
將軍澳中心 Park Central | $15 (閒日) $18 (六日) | $100/2小時 | $70 (12泊,至23:59) $120 (24泊) |
The Parkside | $16 | $150/1小時 | $90 (08:00-17:59) |
Monterey Place (Donki) | $20 (閒日) $24 (六日) | $200/1小時 (閒日) $400/1小時 (六日) | N/A |
翩匯坊 | $18 | $150/1小時 (閒日) $200/1小時 (六日) | N/A |
格林威治村 (藍塘傲) | $13 (閒日) $15 (六日) | $100/1小時 $200/2小時 | $90 (08:00-19:59) $80 (20:00-07:59) |
至善街爛地 | $16 | 任何消費/1小時 $200/2小時 | $90 (08:00-17:59) $90 (18:00-07:59) |
翠善街爛地 | $12 | N/A | $50 (08:00-17:59) $75 (18:00-07:59) |
1. 至善街露天停車場(按我導航)
首先要介紹至善街露天停車場,我唔係介紹你泊,而係介紹你唔好泊。要平嘅附近有The Parkside,又有2個PopWalk連Ocean PopWalk。要日泊嘅The Parkside一樣咁平。所以係最最最後周圍都無晒位先好選擇嘅場。
2. 君傲灣 (PopCorn 2) (按我導航)
君傲灣喺正將軍澳廣場旁邊,佢有一個好處就係無免費泊車優惠,所以九成機會有位。大家都知PopCorn長期排長龍,將軍澳廣場就一時時。如果你趕時間又唔介意比錢,君傲灣就啱晒你。
3. Park Central 將軍澳中心 (按我導航)
將軍澳中心由於佢位置係最側嗰個,所以佢嘅時租價錢同泊車優惠都係最吸引既。另外,如果你係The Point會員 (我諗有車既朋友都應該登記咗做會員啦?唔做好蝕底) 就可以用500分(閒日)/ 1000分 (六日) 換一小時免費泊車,係全港用最少積分既場黎,最多可以换2個鐘添。
4. 天晉匯 PopWalk 2, 3 及 海天晉匯Ocean PopWalk
我個人就非常喜歡泊PopWalk,因為佢個入口喺私人屋苑入面。好多人都唔知點入同唔敢泊。所以都幾多機會有位泊。另外,佢係將軍澳區唯一一個容許任何消費免1小時泊車嘅場,即係你買份報紙、買包紙巾都已經可以免費泊車,非常抵泊。仲未夠平?你係咪SmarTone Plus會員?係既再送多一個鐘比你,前後兩個鐘。所以我去將軍澳諗都唔駛諗必定泊入去。
另外,Monterey Place嗰邊因為Donki同戶外食肆嘅關係長期排隊,旁邊既翩匯坊雖然都多位又唔係貴,不過我買包紙巾+SmarTone Plus就有兩個鐘,所以我都係泊Ocean PopWalk。
(時租價錢詳情及地址請參閱下面既地圖)
5. 格林威治村 (藍塘傲) (按我導航)
由於佢位置比較偏,所以時租價錢係最平,仲平過爛地。所以如果你只係想去海邊放狗或者踩吓單車,就唔需要去Monterey Place嗰邊同人逼,呢邊大把位又平。
6. 翠善街露天停車場 (按我導航)
翠善街爛地場喺調景嶺體育館/HKDI對面,遠就係遠咗啲。不過因為佢遠,所以超平!價錢大家睇上面個表已經可以比較到。呢個場我唯一會介紹嘅就係去將軍澳華人永遠墳場嘅朋友,泊完車行過去入口就可以沿長樓梯上山。
#將軍澳 #區區泊邊好 #格林威治村 #MONTEREY Place #PopWalk #Ocean PopWalk #PopCorn #將軍澳廣場 #Park Central