兩層高日本人氣藥妝專門店「matsukiyo 松本清」旗艦店即將於10月21日在Fashion Walk隆重開幕，是在全港面積最大的分店，樓高兩層，佔地逾8,500呎。hello會員可獨家換領VIP優先入場證，率先於10月18日入場掃貨！由即日起，會員於恒隆商場手機應用程式可憑500 hello積分換領「matsukiyo 松本清」旗艦店VIP優先入場證乙張。首500位成功換領之會員，可於當日尊享九折優惠盡情購物；讚好並追蹤「matsukiyo 松本清」Facebook和Instagram，可額外獲贈松本清自家品牌「MK保濕潔面膏」。凡惠顧滿港幣300元更可獲贈開幕限定購物袋乙個。獨家禮遇豈止於此？開業首兩星期於店內惠顧滿港幣100元並登記成為新會員更可獲贈港幣20元松本清香港電子券，立即攜閨密摯友親臨開心掃貨，齊齊變靚！ 咁究竟去松本清應該泊邊好？ 1. Fashion Walk停車場  （按我導航）最近當然係泊番去Fashion Walk停車場啦，仲有免費泊車優惠添。時租又唔算太貴，當然我以同區黎講啦。 2. 柏寧酒店停車場 （按我導航）Wilson場呢期最抵玩嘅就係Wil積分喇，用3000積分就可以換到一個鐘，而喺咁多個Wilson場當中，柏寧酒店都算係時租價錢最貴而又可以用分換泊車嘅場，所以大家可以多多利用。但係記得，用積分時係可以換超過一張免費泊車券，然後一次過用黎泊車，係要一次過用。你用咗一張就無得再encore第二張架喇。 其餘皇室堡或者遠少少可以用The Point積分換泊車嘅wtc more，可以參閱以下地圖，地圖內有齊佢地嘅時租或者日泊價錢等等。 #銅鑼灣 #區區泊邊好

今集內容集中講佐敦道廟街一帶嘅泊車介紹。如果你想知油麻地多層停車場嗰邊嘅泊車介紹，請參閱油麻地泊車泊邊好。 時租日泊佐敦本木(Arbour)$22 (一至四)$26 (五至日)$140 (08:00-17:59)$70 (20:00-07:59)寶來大廈停車場(德興街伊利地獄)$21 (18:00前)$27 (18:00後)$21 (星期日全日)$130 (08:00-17:59)要先向職員講明日泊彌敦道238號停車場$30N/A寶輝閣$29 (一至四及日)$36 (五及六)$140 (08:00-18:59)日泊只限星期一至五$80 (21:00-07:59)渡華路威信露天$14$90 (08:00-17:59)$90 (18:00-07:59童軍中心停車場$29 (11:00-19:59)$27 (其餘時間)$27 (星期日全日)$150 (24泊) 1. 佐敦本木Arbour（按我導航）四星地獄場！！以後去恒豐中心一帶，唔駛再考慮伊利地獄，喺德成街呢度開咗個新場。不過泊邊好都評佢為四星地獄，原因係要入車Lift，部Lift仲有夠窄，得2.1米闊同2.4米高，未達到五星地獄嘅原因係佢頭入頭出，已經容易過新興大廈要用尾入頭出。出入車直接泊八達通就可以開Lift同比錢。如果自問唔敢收鏡行直線嘅話請直接跳去下面彌敦道238號停車場。 2. 寶來大廈停車場 (德興街伊利地獄)（按我導航）馳名五星地獄場！！好多人都話，寧願抄牌都唔會入伊利地獄。拿，講明先，我真係成日泊嘅，我覺得無問題，車位仲好闊，係上落通道嚇人啲。不過因為拍攝嘅原故去過香港唔同嘅地獄場，我反而覺得呢個容易。至少佢係明買明賣，唔會陰濕。時租黎講，全佐敦最平係佢，特別係星期日。泊唔泊就閣下考慮吓喇，不過第一次入地獄前請先睇片，特別係出場，唔係咁易全身而退架。《泊邊好YouTube Channel》 3....

經過不停既彈出又彈入之後，大家今年終於有乾貨年宵喇！不過得一個，就係位於大圍沙田翠田街足球場原本既車公誕市場喇。開放日期係由2021年2月9日至26日，共設32個乾貨攤檔，營運時間與車公廟開放時間相同（朝八晚六)。 去車公誕市場泊車泊邊好？1. 新翠商場（新翠邨）距離計最近車公廟，不過價錢係本文中最貴，車位仲要偏窄。永遠都係越近就越貴（$22/$26）。（按我導航） 2. 車公廟體育館如果以前就會介紹大家泊秦石邨，但係去年開咗車公廟體育館之後，當然去泊新場啦，平啲仲近啲。（$8／$15 半小時計）（按我導航） 3. 金獅花園越遠就越平，所以金獅花園係最平（一至日都係$14），同新翠比金獅花園車位正常好多。（按我導航） 想知其他常去地方泊車泊邊好？例如紅館泊邊好？會展泊邊好？Donki泊邊好？請即去《區區泊邊好》搵答案啦。有專人幫你格晒價，有街景仲有導航添。 #區區泊邊好 #沙田 #廟宇

高先電影院都開咗幾個月，但係原來好多人都仲未知間戲院喺邊，亦唔熟嗰頭邊度有得泊車。咁泊邊好當然要幫吓你啦，不過你要有心理準備，堅尼地城多地獄場喎。 首先講咗地址先，高先電影院位置係堅尼地城吉席街2號。簡單講就係吉席街同北街嘅街口。電話係+852 2151 1226。 1. 美暉大廈停車場（按我導航）美暉大廈停車場算正正常常，位置算近又唔太貴。時租$18 / $20，星期一至五仲有日泊。呢度好多年都無加過價喇。《收費詳情》 2. 海怡花園停車場（按我導航）其實心水清嘅朋友就會知道吉席街2號咪就係海怡花園囉，而海怡花園自己都有停車場，做乜唔介紹咗先？因為海怡花園停車場收費較貴，$23一小時，另外就係佢嘅地獄指數達4粒星。上落車道超窄，仲要勁多柱，入到去好似去咗竹林深處咁，車位又窄，聞說有啲位你睇到但係唔會泊到，有啲位泊到落唔到車。你想挑戰吓嘅可以一戰，如果無興趣挑戰嘅請睇泊邊好YouTube Channel嘅 地獄遊記 - 海怡花園。《收費詳情》 3. 堅尼地城停車場（按我導航）亦即係有啲人叫佢做〝士美菲路市政大廈停車場〞。呢度係全堅尼地城最多位最正常嘅場仲要係政府場添，所以都幾經常爆滿，時租收費$13，相當抵泊。但係可能地區問題啦，加上政府場都係少許窄架喇，不過勝在夠光猛同啲位睇到就一定泊到咁滯，所以都非常值得大家一試，可惜去睇戲就遠咗少少，當行街啦。《收費詳情》 其餘熱門泊邊好文章：大嶼山自駕遊泊車泊邊好?D2 Place滿晒附近泊車泊邊好？港外線碼頭搭船去離島玩泊車泊邊好？全港Donki尋寶地圖海洋公園泊車泊邊好The Wave / 觀塘工業區 泊車泊邊好？